شبكات – سؤال القرن .. ماذا بعد شهادة MCSA ؟؟

img
بالتأكيد كلنا بتوع الشبكات سواء لسه مبدأناش او بدئنا بنسأل نفسنا سؤال
هاااام ماذا بعد شهادة MCSA ؟ وبنفضل ندور في دواير مقفولة ملهاش مخرج ولو
معرفناش نخرج منها هنلاقي نفسنا دخلنا في دوامة من الحيرة والتشتيت مش
هتفوق منها غير لما تحس ان الوقت بيجري وسنين من عمرك بتضيع وانت محلك سر
لسه معدتش مرحلة الــ MCSA
خلينا نتفق ان المشكلة تملي في عدم توضيح الرؤية بشكل كبير من المحاضرين
او اللي انت بتتعلم منهم وفي سبب اخر الا وهو انك سلمت رقبتك بردو لنفس
المحاضرين ف بتمشي وراهم بشكل اعمي من غير ما تسأل نفسك هو السوق طالب ايه
؟؟
تلاقي ناس في 2016 لسه بيتكلمو في شهادة N+ ويدفع في امتحانها اكتر من
1200 جنيه طيب ايه هي الاستفادة العلمية او المهنية منها ؟؟ مفيش
ببساطة لأنك واخد CCNA وفوق منها MCSA طيب ليه بنلف في نفس الدايرة ؟؟
عشان تعدي مرحلة الــ MCSA لازم نشوف السوق محتاج ايه ودا موضوع المقال
بس الاول لازم تعرف ايه المقصود بمرحلة الــ MCSA اللي بتكلم فيها
المرحلة دي المقصود بيها انك تكون درست او اخدت CCNA كبداية ورا منها
دخلت في MCSA وامتحنت وهنا بنتكلم عن 2012 بالتأكيد بعديهم ذاكرت Exchange
وفهمت كويس اوي الفايروول وتعمقت شوية في الــ Backup Solutions
نيجي بقي لموضوعنا ونشوف ايه الاتجاهات اللي ممكن تمشي فيها بعد مرحلة الــ MCSA

اولا – اتجاه الـــ Virtualization and Cloud

مفيش شك ان العالم كله والشركات الكبرى شغاله بمفهوم  الفرتشوال
والكلاود طبعا في فرق بين الفرتشوال والكلاود بس تملي الاتنين بيذكروا مع
بعض لأن مش هتعرف تعمل كلاود الا من خلال الفرتشوال تراك
هنا ممكن حضرتك تكمل MCSE Private Cloud وبكده تبقي الميت بشكل كويس
بعالم الفرتشوال والكلاود من وجهة نظر مايكروسوفت وهتتعلم في التراك دا
حاجات كتير جداا مطلوبة في سوق العمل علي رأسهم System Center Suite من
مايكروسوفت
وطالما مشيت في سكة الفرتشوال يبقي مينفعش تسيب كيان بحجم VMware
ومتشوفش بيقدم ايه في المجال دا وصدقني طالما دخلت السكة دي ف كل المصطلحات
متشابهه اللهم الا حبة اختلافات ما بين كل شركة من حيث التركيب والتشغيل
والتعريف
  • يستحب تدوس في منتجات مايكروسوفت زي الشيربوينت واللينك سيرفر لأنك
    كراجل بتاع حلول كلاود هتصادفك منتجات زي دي مطلوب منك تتعامل معاها من
    ناحية الكلاود

ثانيا – اتجاه السيكيوريتي Security

مجال قوي جداا وصعب ومحتاج مهارات كتير اوووي عشان تتخصص فيه وتبقي
محترف علي سبيل المثال البرمجة شئ ضروري في المجال دا والالمام باللينكس
كويس جداااا وعموما هنتكلم في مقال منفصل حول مجال السيكيوريتي وامن
المعلومات بشكل مفصل بس مبدئيا انت هتحتاج تدرس CEH بعد وتمتحنها وبعدها
عشان تتخصص في بدل السكة اتنين وتلاته ودا للي هنتلكم عنه قريب في موضوع
منفصل

ثالثا – اتجاه اللينكس

واحد هيقولي ازاي ادرس لينكس وانا اصلا مايكروسوفت .. هقولك بردو ببساطة
لأن اللينكس مطلوب جداا في الشركات الكبري ومعظم الشركات العملاقة
سيرفراتها قايمة علي اللينكس ولو انت راجل فاهمه كويس ومعاك كمان
مايكروسوفت شوف بقي التميز بتاعك في سوق العمل
طبعا اللينكس مواضيعه شبه مواضيع مايكروسوفت يعني هتلاقي DHCP DNS VPN Cluster وهكذا نفس الكلام ولكن من منظور اللينكس
عشان تمشي في السكة دي هتمشي في شهادة RHCSA ودي بتوازي MCSA كده ولو
عاوز تهيأ نفسك للينكس وتبني خرسانة صح يبقي ادرس
LINUX + كدراسة مش امتحان
خالص

هل في مجالات تانية ؟؟ اكيد .. بس دول اشهر 3 او دول التخصصات الرئيسية جوا كل واحده فيهم فروع كتير

Author : Mohamed Alaa

Mohamed Alaa

اسمي محمد علاء - مصري - اعمل في مجال التقنية منذ اكثر من 9 سنوات تعلمت فيها الكثير والكثير بفضل الله - تخصصي هو ادارة السيرفرات والشبكات وقد حصلت علي العديد من الشهادات في هذا المجال اما عن هوايتي المفضلة فهي البرمجة وبالتحديد تطوير المواقع ولي في هذه الهواية باع طويل ومحطات عديدة نظرا لشغفي بها وقد قمت بإنشاء هذا الموقع لنشر ما تعلمت من باب زكاة العلم اخراجه

RELATED POSTS

Leave A Reply