خطواتك الاولي في دخول مجال البرمجة

img

كتير مننا نفسه يبقي ويب ديفلوبر مستقل ويعمل لنفسه مشاريع ممكن ف يوم تجبله دخل محترم او ممكن تخليه يشتغل في شركة كبيرة ولكن الاهم من ده لازم تعرف ايه هي لغات وتقنيات الويب المتاحة وايه الخطوات المطلوبة منك عشان تخش المجال ده

 

ورقة وقلم وتعالي معايا

 

اولا في اساسيات لازم تكون معاك ايا كان لغة البرمجة اللي هتشتغلها في الويب والاساسيات دي كالاتي:-

1- HTML ودي مش لغة برمجة ولكن تقدر تقول عليها اسلوب توصيف للموقع يعني بتحط البينة التحتية لصفحة الويب بتاعتك

2- CSS ودي مش لغة برده انما اسلوب تنسيق للموقع والصفحات بتاعتك يعني تخلي الفونت كبير صغير تخلي الزرار احمر او اخضر تخلي القايمه من تحت لفوق او بالعرض وهكذا

3- JS ودي الجافاسكربت ودي قصتها كبيرة ولكن هنا كبداية مش مطلوب منك غير شوية اساسيات فيها وانك تعرف تتعامل بيها في حدود المطلوب منك في صفحة الويب بتاعتك

4- Bootstrap ودا فريمورك جاهز من تويتر بيسهلك كل الحاجات اللي فوق دي .. بيديك شغل جاز تستخدمه بكل سهوله ولكن طبعا مش هتعرف تتعامل فيه كويس الا لما تكون فاهم اول 3 حاجات دول كويس

 

خلصنا الاساسيات .. او زي ما ممكن نسميها شغل الفرونت او الشغل اللي ظاهر لليوزر او الادمين .. طيب فين بقي شغل الداتابيز والسكيوريتي والحركات

نيجي هنا للغة الBackend اللي هتستخدمها

هنا عندنا اكتر من حاجه ولكن الاشهر حاجتين ملهمش تالت

1- PHP

2- C#

طيب ايه مسار كل واحده منهم ؟؟

اولا PHP

دي لغة جميله جدا وسهلة التعلم وصادرها ف كل مكان هتتعلمها وتفهمها كويس وتطبق بأيدك بعدها تتعلم OOP (اوبجكت اورينتد) فهمتهم كويس وعملت مشروع بيهم ؟؟ كمل بقي واتعلم فريمورك يسهلك شغلك ويوفرعليك كتابه اكواد كتير وهنا بنتكلم عن اشهر فريمورك ف السوق الا وهو Laravel

طيب محتاجين داتابيز نتعامل معاها ف هنا هتلاقي حاجات كتير ولكن الاشهر في القصة دي هي MySQL

 

ثانيا #C

دي بقي اللغة المفضلة ليا وتعتبر من اتقل اللغات في العالم ويكفي انها من مايكرووسوفت ولكن سكتها اصعب شويتين من البي اتش بي لأنك هنا بتتعلم سي شارب وOOP وLinQ وEntity Framework وليلة طويلة كده اتكلمنا عنها في الموضوع ده

بعدها بتدرس داتابيز وهنا اكيد هتتعامل مع SQL Server رغم ان الEntity Framework بتسهلك انك تتعامل مع اي نوع داتابيز

بعد كده بتخش علي ASP MVC ودا يعتبر زي الفريمورك بتاع اللارفيل بيسهلك كل حاجه سواء سيكيوريتي او تعامل مع الصلاحيات او المستخدمين

 

طيب دلوقتي انا محتار اختار انهي فيهم ؟؟

 

الاجابة تعتمد علي حاجتين اولهم انت عاوز ايه و هدفك ايه ؟ لو بتدور علي شغل شركات وحاجات نضيفة ف انصحك بالدوت نت علي اساس كمان ان الشركات اللي شغاله بالدوت نت اغلبها يا بتعمل برامج طبية او مالية ضخمة يا مؤسسات حكومية ف بنسبة كبيرة هتضمن وظيفة مرموقة

اما لو بتدور علي الاستقلالية وانك تشتغل اعمال حرة وتتعامل علي مواقع زي Upwork او مستقل ف هنا البي اتش بي واللارفيل مطلوبين اكتر بكتير ومتنساش ان البي اتش بي يندرج تحتها الوردبريس WordPress ودا حوت الويب حتي وقتنا هذا

 

اتمني اكون قدرت اساعد اي حد عاوز يبتدي ومحتار وانتظروا مزيد من المقالات والكورسات قريبا علي عرب ست

 

لو عجبك الوضوع فضلا وليس امرا شاركه لعل الكل يستفيد

Author : Mohamed Alaa

Mohamed Alaa

اسمي محمد علاء - مصري - اعمل في مجال التقنية منذ اكثر من 9 سنوات تعلمت فيها الكثير والكثير بفضل الله - تخصصي هو ادارة السيرفرات والشبكات وقد حصلت علي العديد من الشهادات في هذا المجال اما عن هوايتي المفضلة فهي البرمجة وبالتحديد تطوير المواقع ولي في هذه الهواية باع طويل ومحطات عديدة نظرا لشغفي بها وقد قمت بإنشاء هذا الموقع لنشر ما تعلمت من باب زكاة العلم اخراجه

RELATED POSTS

Leave A Reply