يعني ايه Front End Developer ؟؟

img
باين من كلمة Front انها حاجه في الواجهه يعني حاجه ظاهرة عالوش ..
Front End Developer يعني من الاخر التصميم وتقنيا هي الحاجه اللي بتخاطب
الClient يعنى البراوزر بتاع اليوزر ملهاش علاقة بالسيرفر كما هو حال
الBack End Developers اللي هنتكلم عنهم المرة الجاية
حضرتك كــ front end developer مسئول عن تكويد الديزاين الي معاك سواء
بقي شاريه او مصممه او واخده من واحد مش دي القضية الفكرة كلها هي
ازااااااي اكون Front end Developer
مبدئيا لازم تكون فاهم لغة ال HTML ودي مش لغة برمجة زي ما كتير
فاهمين انما هي مجرد  Markup Language لغة تنسيقية وتنظيمية .. سيبكم من
المصطلحات المكلكعة ونخش في المفيد
هل اللغة دي صعبة يعني ؟؟ الاجابة .. اسهل ما تتصور المفروض متاخدش من
اكتر من اسبوعين بالكتير اووووي تكون فهمتها بتعتمد كلها علي التاجات او
الــ Tags مفهاش غير تاجات
طب تنصحني بكورس معين ابدأ بيه ؟؟
اتفضل هنا  دا كورس للرائع اسامة الزيرو هياخدك من الصفر او تحت الصفر وهيوصلك لمستوي كويس جدااااا
بعد ما خلصت الــ html وبقيت كويس فيه جه الدور علي الخطوة 2 وهي ال
CSS ودي بردو مش لغة برمجة انما هي لغة دلع يعني ايه لغة دلع ؟ يعني الhtml
انت بنيت حيطة ومحرتها ال CSS هو بقي الدهان اللي هينطقها
فهمت؟؟ يعني هي لغة التنسيق والحركات والدلع كله
طيب هل دي صعبة ؟؟ لأ خااااالص هي صحيح بحرها واسع اووووووي انما سهله جدااا
وانصحك تبدأ بالكورس دا هنا للعبقري اسامة الزيرو بردو
طب هل كده انا خلاص بقيت فرونت اند ديفلوبر ؟؟ لأ لسه شوية
فاضلك حاجه مهمة اوووي لازم تتعملها وهي الجافاسكربت ودي بقي لغة
برمجة يعني تقدر تبرمج بيها شغل كبير اوووي وتقيل ولكن.. انت ككودر مش
مطلوب منك تحترفها علي قد ما مطلوب منك تعرف مكتباتها المهمة زي الجيكويري
يعني من الاخر اتعلم الجيكويري كويس جداااا هتميزك عن اي حد لأن دي اللي فيها الشغل وفيها التعب والتفكير
اتفضل الكورس دا هنا  وملكش حجة
لو حابب المجال انت هتمشي فيه لوحدك وهتعرف كل المطلوب وهتتقنه ومش بس
هتكتفي بال html , css لأ دانتا هتدوس كمان في الحاجات الاحدث كالــ
HTML5  CSS3 والمزيد
في اخر كلامي احب انشر قناة المهندس اسامة علي اليوتيوب معتقدش في افضل منها بالشمولية والمحتوي دا ربنا يجازيه عنا كل خير .. رابط القناة

Author : Mohamed Alaa

Mohamed Alaa

اسمي محمد علاء - مصري - اعمل في مجال التقنية منذ اكثر من 9 سنوات تعلمت فيها الكثير والكثير بفضل الله - تخصصي هو ادارة السيرفرات والشبكات وقد حصلت علي العديد من الشهادات في هذا المجال اما عن هوايتي المفضلة فهي البرمجة وبالتحديد تطوير المواقع ولي في هذه الهواية باع طويل ومحطات عديدة نظرا لشغفي بها وقد قمت بإنشاء هذا الموقع لنشر ما تعلمت من باب زكاة العلم اخراجه

RELATED POSTS

Leave A Reply